‘O cardillo – 19 marzo 1995

　

Nu piezzo e pane

spugnato dint ‘o llatte a matina,

dette a forza ‘a n’ommo

e campà pe na vita.

Se n’asceva ambress pe gghì a faticà,

quanno ‘o sole ancora durmeva,

e a sera turnava.

Né mugliera e né figli teneva.

Ma maje sulo se sentette,

pecché ‘a matina

nu piezzo e pane

spugnato dint ‘o llatte

‘o ccuntentava.

Fore ‘o barcone ‘o cardillo chiammava,

ch ‘e mullechelle vuleva.

E na mana ogni juorno cchiù arrappata

na scorz ‘e pane dint ‘a cajuola metteva.

Na matina ‘o piezzo e pane

dint ‘o llatte rimmanette.

‘O cardillo chiammava,

ma ‘a scorza e pane nun l’avette.

E chillu juorno,

p ‘o dulore ne murette.

– – –

Il cardellino

Un pezzo di pane

bagnato nel latte al mattino,

diede la forza ad un uomo

di vivere per una vita intera.

Usciva presto per andare al lavoro,

quando il sole ancora dormiva,

e di sera tornava.

Né moglie e né figli aveva.

Ma mai solo si sentì,

perché al mattino

un pezzo di pane

bagnato nel latte

lo accontentava.

Fuori il balcone il cardellino chiamava,

che le molliche di pane voleva.

E una mano ogni giorno più vecchia

una scorza di pane nella gabbia metteva.

Un mattino il pezzo di pane

rimase nel latte.

Il cardellino chiamava,

ma la scorza di pane non l’ebbe.

E quel giorno,

per il dolore ne morì.

  

Il poeta maledetto