Nun saccio quanta vote,
s’è appucuntruto o core.
Pe t’annasconnere sta smania,
nun saccio quanta vote,
t’ha ditte bucie,
suffrenno e pò chiagnenno
pè chesta gelusia.
Nun pesa a o sole cavero d’austo,
o parlà suspiroso d’o viento.
Cussì na virgola
perduta dint a nu discorso
sta gelusia nun pesa
mentre te dico ca te voglio bbene.
Ma tu piense ca faccio, dico
e mmanco me n’accorgo
e comme o core se fa triste e scuro
quanno me dici:
“e me, tu nun te fide cchiù.”
Ammore mio,
ce perdo ll’ore e o suonno a notte
pe domandà a sta luna e a chesti stelle
comme aggia fà, quali parole ausà,
pe nun te fa suffrì d’a sofferenza e chistu core.
Si me pulezzo a faccia a chistu chianto
ca senza chiedere permesso
se piglia chesta cunferenzia,
si tremma a voce n’attimo,
pò zitto me trattengo
pe preparà o discorso:
“t’ho ddico in italiano:
io sò geluso, perchè ti amo!”
Il poeta maledetto
bellissima :))
baci