‘O scunsulato amante – 15 settembre 1996

o scunsulato amante.jpg

 

Comm’è triste si stai luntano

e te siente sperduto

dint a nu posto

ch’o Pataterno s’è scurdato.

E si parli nisciuno te sente

nisciuno te capisce.

Sì furastiero e chiagnenno

nun appare niente.

Vulisse turnà aret,

a quanno te tenive

a guagliuncella sotto o raccio,

e cammenanno pe a Riviera e Chiaia

tu facive ‘o pagliaccio,

Quanno “‘o giovane e mammà”

te sentive e chiammà.

E na carezza e nu bacio

nun te mancava maje.

Mò stu silenzio

t’astregne forte ‘o core.

E sì triste p’ogni cosa che faje.

Sì furastiero p’ogni parte addò vaje.

Quanto vulisse turnà llà,

addò si uno comm’e tutte quante ll’ate

e no nu “Vuè paisà!”

Ma chi pò capì sti parole,

si nunn’ è stato maje luntano.

Si a matina se pò affaccià ‘o barcone

e vedè Napule,

ca se sceta chianu chiano.

Ma je sò furastiero

e nun ce faccio niente.

Sto luntano a tutte cose

e a spetto a notte sulamente,

pe nu ricordo.

Comme aspetta annascuso mieze ‘e rrose,

a femmena soja,

nu scunsulato amante.

 

Il poeta maledetto

 

‘O scunsulato amante – 15 settembre 1996ultima modifica: 2010-03-09T10:00:00+01:00da morris_garage
Reposta per primo quest’articolo